प्रणम्य शिरसा देवं गौरीपुत्रं विनायकम्।
भक्तावासं स्मरेन्नित्यमायुःकामार्थसिद्धये॥

प्रथमं वक्रतुण्डं च एकदन्तं द्वितीयकम्।
तृतीयं कृष्णपिङ्गाक्षं गजवक्त्रं चतुर्थकम्॥

लम्बोदरं पञ्चमं च षष्ठं विकटमेव च।
सप्तमं विघ्नराजं च धूम्रवर्णं तथाष्टमम्॥

नवमं भालचन्द्रं च दशमं तु विनायकम्।
एकादशं गणपतिं द्वादशं तु गजाननम्॥

द्वादशैतानि नामानि त्रिसन्ध्यं यः पठेन्नरः।
न च विघ्नभयं तस्य सर्वसिद्धिकरं प्रभो॥

विद्यार्थी लभते विद्यां धनार्थी लभते धनम्।
पुत्रार्थी लभते पुत्रान्मोक्षार्थी लभते गतिम्॥

जपेद्गणपतिस्तोत्रं षड्भिर्मासैः फलं लभेत्।
संवत्सरेण सिद्धिं च लभते नात्र संशयः॥

Pranamya shirasa devam Gauriputram Vinayakam,
Bhaktavasam smarennityam ayuh-kamartha-siddhaye.

Pratham Vakratundam cha Ekadantam dwitiyakam,
Tritiyam Krishnapingaksham Gajavaktram chaturthakam.

Dwadashaitani namani trisandhyam yah pathennarah,
Na cha vighnabhayam tasya sarvasiddhikaram prabho.

Japedganapatistotram shadbhirmasaih phalam labhet,
Samvatsarena siddhim cha labhate natra sanshayah.